Makar Sankrant marathi shayari | तीळ-गूळ मराठी शायरी |

[ Makar Sankrant marathi shayari ]

| Marathi shayari |

फिका केवढा गूळ वाटला संक्रांतीचा

ओठांवरची तीळ एवढी गोड वाटली...

©अमित वाघ.

तितका तिळ तिळ तुटतो माणुस

लांब राहते जितके जीवन .

©अमित वाघ

तुला संधी मिळाली ओठ पुन्हा गोड करण्याची,

तुझा तिळगूळ देण्याचा बहाणा चांगला होता.

©अमोल शिरसाट

ती खळी, डोळे, गुलाबी गाल.. होते का कमी?

त्यापुढे तो तीळ आहे...आणि त्या खिंडीत मी!

© अनिल विद्याधर आठलेकर

तुला मी तीळ म्हणते अन मला तू गुळ म्हणशी जर

मिसळूनी जाऊया दोघे अता संक्रांत आली तर ..

©अमृता साळुंके जोशी

तिच्या गालावरी ती खळ अहाहा तीळ ओठावर

असे सौंदर्य तर राजा तुझ्या राणीतही नाही....

©आबेद शेख

तुझ्या गाेड गालावरचा सखे तीळ दे उधार

तुझा मी तुला परत करील हाेताच गं पगार...

©अरविंद पाेहरकर

चांदण्यांचा तिच्या तीळ गालावरी

दृष्ट काढावया चंद्र ओवाळतो...

©अरुण सांगोळे

तीळ माझ्या की तुझ्या ओठांस आहे

हे ठराया आणखी जवळून पाहू..

.©आनंद पेंढारकर

तिच्या ओठावरी तो तीळ जेव्हा पाहतो मी

मला मग वाटते की आजही संक्रांत आहे ...

©भैय्या पेठकर

आमुचे नाते जिवाला भावते या

तीळ आहे मी बघा ती गूळ आहे

©ज्ञानेश्वर कटारे

जन्मभर गोड गूळ होता तो ..

माणसांचेच कूळ होता तो ?...

© दास पाटील

नको घेऊस माझ्या आळ ओठांवर

तुझा शाबूत आहे तीळ ओठांवर…

©धनंजय तांदळे

अनुस्वार आहे नंतरच्या शब्दामध्ये

तीळ तिच्या गालावरचा आठवेल आता..

©गोविंद नाईक

सवय तूच लावलीस भलती ओठांना माझ्या

गोड कसे व्हायचे तोंड हे फक्त तिळगुळांनी?.

.© गोविंद नाईक

[ तीळ-गूळ मराठी शायरी ]

गुळाला तीळ लावावा तसे द्यावे तिने चुंबन

मला संक्रांत भेटावी अशा हळुवार ओठांनी...

©गणेश नागवडे

तुझ्या तीळगूळ देण्याने निकाली प्रश्न निघाला..

तुझ्या घराकडे नेहमी,उत्तरायण सुरू आता ...

©गणेश_शिंदे_दुसरबीडकर.

सुधारसाची मधुर काकवी चाखत आहो दोघे

तीळ गुळाच्या विनाच अपुली संक्रांत होत आहे...

©हेमलता पाटील.

तिळाची स्निग्धता स्पर्शी ,गुळाचा गोडवा ओठी

तुझ्या भेटीमुळे संक्रात रोजच साजरी होते

©जयश्री कुलकर्णी

तू गालावरचा तिळ

तू ओठावरची शिळ..

.© कविता ननवरे

असा ना कसेही ! गोड बोला

गळाही चिरा पण गोड बोला

तिळा साखरेचे भाव ज्यादा

विना साखरेचे गोड बोला...

कविता डवरे

आलिये संक्रात दारावर पुन्हा

एक आहे तीळ गालावर बघू..

.©ममता सपकाळ

का उगीच अंग अंग चोरशी

तीळ वेचतॊ लहानसाच मी...

©म.भा.चव्हाण

तीळ हनुवटीवरचा दिसतो उठुन चेहऱ्यावरती

महिरप सजते कुरळी कुरळी रुंद कपाळावरती..

© मानसी चापेकर

जरी वाढले अंतर अपुल्या दोघामधले.

प्रेम तरीही तिळभर अजुनी घटले नाही...

©नितीन देशमुख.

चेहऱ्यावर बेगडी ओघळ कशाला

तीळ असल्यावर हवे काजळ कशाला...

© निलेश कवडे

जणू गालावरी सजला असावा तीळ नाजुकसा

तशी वाट्यास माझ्या नित्य आली चांगली दु:खे...

©नचिकेत जोशी

रोजला आशा नका ठेवू दिवाळीची

राहुद्या लक्षामधे संक्रांत येते ती…

©प्रमोद खराडे

तिळ ओठांचा तुझा तो मागण्यासाठी गझल

अंतरी आकांत जो तो मांडण्यासाठी गझल.

.©पियुष खांदेश्वर.

तीळ भोळा लाडकीशी बट दिसे

पापण्यांच्या आत सुध्दा कट दिसे..

.©राधिका फराटे

तिळावर गुळ ओठांनी जरासा ठेव प्रेमाने

अशी संक्रांत ही माझी सख्या दरसाल होऊ दे...

.©राधिका फराटे.

सर्व बिघडली चव तोंडाची

काढ जवळचे गूळ फुटाणे..

©राहुल गडेकर

जगा वाटला मी तुला गूळ माझा;

मला फेकले तू चिपाडाप्रमाणे...

© श्रीकृष्ण राऊत

अजून आठवे मला सुरेख तीळ सावळा;

अमीट खूण ती तुझी सखे उरात राहिली...

श्रीकृष्ण नारायण राऊत

ओठावरचा तीळ सांगतो

उपवासाला तीळ चालतो..

पाहिला मी सहज जेंव्हा तीळ गालावर तुझ्या

मन पतंगासारखे मग दूर गेले भरकटत..

तुझे हे तीळ आणि गूळ शेखर काय कामाचे

मनातिल द्वेष लोकांच्या कधी संपायचा नाही..

उबदार स्नेहाची मिठी ओठात गोडी नेहमी

मी गारव्याला मागतो कायम सुखांची या हमी ..

हासतो तो तीळ गालावर तुझ्या अपरोक्ष वेडे

कैकदा स्पर्शूनही तो भावनांना टाळ म्हणतो..

©सीमा गादे

होतो ओव्हरडोस आणि मग हँगोव्हरही उतरत नाही

ओठाखाली तीळ कशाला तिला लाभला समजत नाही.

तीळ नको गूळ नको वेळ द्या.

गोडं नको कडू नको शब्द द्या..

© सुचरिता

जर हवा चांगला सोबती

घेवुनी जा मला सोबती

तीळ म्हणतो कशाला तुम्ही ?...

आठवा आणला सोबती ...

तीळ ओठांचा तुझ्या मी चुंबतो अन्

छान होते साजरी संक्रात माझी...

पोटात जहर त्यांच्या ओठात गूळ आहे

सांभाळुनी चला रे पाणी गढूळ आहे.. ..

जिकडे होते गूळ खोबरे

तिकडे गेले सर्व सोयरे....

स्वप्नाळू खोल डोळे अधिर ओठ किती

हनुचा तीळ काळा नजरेची नाही भीती..

ओठांवर तिळ कसला हृदयावर वार जणू

या रूपखजिन्याचा तो राखणदार जणू..

तुझ्याशी गोड बोलावे अशी का आर्जवे त्याची

मुळातच तीळ म्हटले की तुझ्या गालावरी येतो...

तुझ्या रोज गाली सही चंद्र करतो

तरी तीळ शंका धरु देत नाही...

जर विचारानेच झाली जिंदगी उत्क्रांत येथे

मग मकर संक्रांत कसली कोण करतो तीज मित्रा..

marathi shayari

Makar Sankrant marathi shayari | तीळ-गूळ मराठी शायरी |