Women's day special marathi shayari | महिला दिन मराठी शायरी

[ Women's day special  marathi shayari ]

| Women's day special marathi shayari |

-----------------------------------------------------------

 विनिता पाटील कुलकर्णी

.

दुःख आपोआप आले वाटणीला

सूख शोधत राहिले मी वळचणीला

-----------------------------------------------------------

वृषाली(राणी)मारतोड़े

.

लख लाभ हे असुदे सारे तुला बगीचे

घनगर्द रान हिरवे माझ्याच मालकीचे

-----------------------------------------------------------

यामिनी विलास दळवी

अशा ओसाड रस्त्यावर कुणी हरवायच्या आधी

पुन्हा परतून येऊ का घरी परतायच्या आधी 

-----------------------------------------------------------

अलका देशमुख

तोडले घर तू विधात्या पेलला पण भार आहे

बाप जो आधार होता माय बनली दार आहे

-----------------------------------------------------------

अलका कुलकर्णी

सखा पैलतीरी किती दूर आहे 

इथे आठवांचा महापूर आहे 

-----------------------------------------------------------

अल्पना देशमुख नायक

ओळखता येईल स्वतःला असा आरसा जपते मी

या दुनियेच्या गर्दीमध्ये ठसा आपला जपते मी

-----------------------------------------------------------

अमिता गोसावी

कुणाला आस जगण्याची कुणाला ध्यास मरणाचा

कुणाचा पुर्ण झाला का कधी अभ्यास जन्माचा

-----------------------------------------------------------

अमृता साळुंके जोशी

मानलेले एक नाते पोकळी व्यापून जाते

जन्म ओवाळून द्यावा एवढे देऊन जाते

-----------------------------------------------------------

अनघा कुलकर्णी

तुला एवढा जीव लावला चुकले माझे

उगीच माझा जीव जाळला चुकले माझे

-----------------------------------------------------------

अनिता बोडके

होते कळी अभागी फुलता मला न आले

वाऱ्यापरी नभाला भिडता मला न आले

-----------------------------------------------------------

अनिता इंगळे

डोक्यास ताप आहे

भरपूर व्याप आहे

-----------------------------------------------------------

अनुराधा साळवेकर

सारखे हे असे कसे होते 

चार लोकांमध्ये हसे होते 

-----------------------------------------------------------

अन्वी अनिल आठलेकर

छान आहे देखणी आहे

एक चिंता वेगळी आहे

-----------------------------------------------------------

अर्चना माने

दु:ख मोठे हे विकाया काढले मी 

वेदनेचे घाव सारे मांडले मी 

-----------------------------------------------------------

आरती पद्मावार

.

आयुष्याला दऱ्या कपारी कडे पाहिले

अवघड सोपे जीवन कोडे धडे पाहिले

-----------------------------------------------------------

अरु तनया

.

जगाला सावली देऊन थकले मी

अता गळणार आहे पान पिकले मी

-----------------------------------------------------------

आशा पांडे

.

बागेमधे फुलांच्या येऊ तरी कशाला 

देहातल्या फुलांचा काटा कधीच झाला 

-----------------------------------------------------------

अश्विनी आपटे

.

पडू नको तू फार माणसा मोहात मनाच्या

भले भले रे गेले वाहुन डोहात मनाच्या

-----------------------------------------------------------

अश्विनी विटेकर

.

माझी दया तुला का देवा कधी न आली

जगण्यातली मजा मज घेता कधी न आली

-----------------------------------------------------------

बागेश्री देशमुख

.

मला दु:ख दे, दु:ख दे, दु:ख देवा

सुखाने जळावे असे दु:ख देवा

-----------------------------------------------------------

भाग्यश्री कुलकर्णी

.

प्रेमाने मन तुडूंब भरले सरोवरी त्या विहर सख्या

गूज मनीचे सांगुन कानी उठव तयावर लहर सख्या

-----------------------------------------------------------

भारती बिर्जे डिग्गीकर

.

प्रखरतेचे पांघरत झाकोळ जाताना 

गुणगुणावी गहनतेची ओळ जाताना 

-----------------------------------------------------------

चंदना सोमाणी

.

मी पाहिले नभाचे तारे हजारवेळा 

पण मोजता न आले सारे हजारवेळा

-----------------------------------------------------------

चारुशीला धुमाळ

.

आतल्या आत ती जळत होती

मेणबत्ती किती झुरत होती

-----------------------------------------------------------

चित्र जैन कहाते

.

शेजार आठवांचा अजुनी तसाच आहे

गंधाळल्या स्मृतींचा तो पारिजात आहे

-----------------------------------------------------------

छाया गोवारी

.

नित्य पुण्याची जगी या गस्त आहे

पाप पापातच तरी का मस्त आहे ?

-----------------------------------------------------------

सौ.दिपाली कुलकर्णी

.

नकार आला एकाचा मग दुसरा पाहू

लेक लाडकी सुखी रहावी नवरा पाहू

-----------------------------------------------------------

दीपमाला कुबडे

.

राज्यात रावणाच्या जगतो खुशाल आम्ही

निस्तब्ध आसवांची भरतो पखाल आम्ही

-----------------------------------------------------------

दीप्ती सुर्वे जाधव

.

पसरली आज वाऱ्यावर किती चर्चा

तुझ्या माझ्या करारावर किती चर्चा

-----------------------------------------------------------

धनश्री किशोर पाटील

.

हळवा मनाचा कोपरा तू बंद केल्यावर

तुजला बघावे खोल मी तू दूर गेल्यावर

-----------------------------------------------------------

फातिमा मुजावर

.

ते तुझे सांगणे खरे नव्हते

कालचे दिवसही बरे नव्हते

-----------------------------------------------------------

सौ . गाथा महेंद्र आयगोळे.

.

माझिया गात्रामधूनी धावणारा श्वास तू

की मला बेचैन करणारा मनाचा भास तू ?

-----------------------------------------------------------

गौरी शिरसाट

.

स्वप्नात काल रात्री येऊन कोण गेले

गंधाळल्या क्षणांना छेडून कोण गेले

-----------------------------------------------------------

गायत्री पिसेकर

.

घडलेच असे काही की, प्रश्नात अडकले नाही

उत्तरे मिळवण्यासाठी नजरेत उतरले नाही

-----------------------------------------------------------

हेमा जाधव

.

भावनांचा कोंडमारा जाळला आहे

साहण्याचा काळ आता संपला आहे

-----------------------------------------------------------

जयश्री काळवीट

.

अत्तराचा गंध इतका खास होता 

की फुलांचा कोंडलेला श्वास होता 

-----------------------------------------------------------

जयश्री कुलकर्णी

.

मी उद्या नसले तरी अस्तित्व हे उरणार नक्की

शब्द हे माझे उद्या ,माझ्या खुणा जपणार नक्की

-----------------------------------------------------------

जयश्री कुलकर्णी अंबासकर

.

सुखासीन आयुष्य अळणी कदाचित

चवीला व्यथाही जरूरी कदाचित

-----------------------------------------------------------

जयश्री वाघ

.

तुझे वाळूतले घरटे कुणी मोडून गेले का

जिवाला जीव देणारे कुणी सोडून गेले का

-----------------------------------------------------------

ज्योति मार्जनी

.

स्वप्नांच्या वाटेवर जगणे जमले नाही 

सत्याला सामोरे जाणे जमले नाही 

-----------------------------------------------------------

ज्योति शिंदे

.

जीवनाची काय सांगू मी कहाणी;

सोबतीला आठवांची, ही विराणी

-----------------------------------------------------------

ज्योति रत्नाकर बालिगा

.

उत्तरासाठीच होता प्रश्न तो मी मांडला

जो शिताफीने असा तू ऐनवेळी टाळला

-----------------------------------------------------------

ज्योत्स्ना चांदगुडे

.

ना तिला घर दार वा ना कोणताही सातबारा

काढला आहे कुणी का माळरानाचा उतारा ?

-----------------------------------------------------------

ज्योत्स्ना राजपूत

.

पाहू नको असा तू ,मागे वळून आता

ती वेळ भेटण्याची ,गेली टळून आता

-----------------------------------------------------------

कांचन कानतोडे

.

कुणीही भावले नाही मला येथे तुझ्यानंतर

जसा की भेटला विठ्ठल मला तू भेटल्यानंतर

-----------------------------------------------------------

काश्मीरा पाटील

.

उद्यापर्यंत जगेल याचा काय भरोसा

विचार हाही तरेल याचा काय भरोसा

-----------------------------------------------------------

कविता डवरे

.

भासती तुम्हाला शब्द बेभाव माझे 

चंद्र तारकांना त्या पुसा नाव माझे 

-----------------------------------------------------------

कविता क्षीरसागर

.

दुःखा किती अनावर होतोस भेटताना

दमछाक होत आहे कवितेत मांडताना

-----------------------------------------------------------

किरण पिंपळशेंडे

.

शिंपला कोणी सडा हा चांदण्यांचा अंबरी

ओंजळीभर वेचुनी घ्यावा बघा कोणीतरी

-----------------------------------------------------------

किर्ती वैराळकर इंगोले

.

फार मृत्यूचा दरारा वाढतो

जीवना वरचा पहारा वाढतो

-----------------------------------------------------------

क्रांति साडेकर

.

प्रत्येक खुळ्या वाटेने मन आता धावत नाही

कविताही भावत नाही, की गझल खुणावत नाही

-----------------------------------------------------------

क्रांती पाटील

.

कशा काट द्यावी उगा आसवांना 

सुखाने सहावे असे वेदनांना 

-----------------------------------------------------------

क्षितिजा आरती

.

वाहत्या वेदनेला किनारा हवा 

जीवनाला तुझाही सहारा हवा 

-----------------------------------------------------------

ललिता बांठिया

.

विसरून मला गेल्याचे नुसतेच बहाणे होते

धुंदीत तुझ्या जगण्याचे ते वेड पुराणे होते

-----------------------------------------------------------

लतिका चौधरी

.

मृत्यूला या कवटाळून गेली भेट तुझी माझी

जगण्याला या भाळून गेली भेट तुझी माझी

-----------------------------------------------------------

मधुराणी बनसोड

.

भेटला तो मला शेवटी शेवटी

वाटला तो भला शेवटी शेवटी

-----------------------------------------------------------

माधुरी चव्हाण जोशी

.

भूतकाळ पापण्यात रोखणे बरे नव्हे,

एकटेच रात्र रात्र जागणे बरे नव्हे

-----------------------------------------------------------

ममता सपकाळ

.

अजुन झाले कुठे आहे पुरे सोसून माझेही

असू दे सावलीमध्ये जरासे ऊन माझेही

-----------------------------------------------------------

मानसी चापेकर

.

असे नजरेत नजरेला तुझ्या मी केवढी जपते

तुला मी रोज बघते अन तुझ्यावर प्रेमही करते

-----------------------------------------------------------

माणिक घारपुरे

.

सुखाच्या क्षणांचा पुढे माग आहे 

तुझ्या मागुती चालणे भाग आहे

-----------------------------------------------------------

मनीषा मोडक

.

अंध मी प्रेमात असता दोष मग शोधू कशी ?

स्वप्न भासे सत्य जर सत्यात मी राहू कशी ?

-----------------------------------------------------------

मनीषा अतुल

.

इथे अनंत घाव मी जपून ठेवले

प्रचंड आज दाह मी जपून ठेवले

-----------------------------------------------------------

मनीषा नाईक

.

केवढी चर्चा उगाचच गाजला होता चहा

फार नाही फक्त सोबत घेतला होता चहा

-----------------------------------------------------------

[ महिला दिन मराठी शायरी ]

-----------------------------------------------------------

मेघा देशपांडे

.

सोड रुसवा बोल आता वावगे वागू नको

भांडणे होतील तरिही बोलणे सोडू नको

-----------------------------------------------------------

मेघना राजे मेघा

.

स्पर्धेत या जगाच्या त्यांचा टिकाव नाही

आकाश पेलण्याचा ज्यांना सराव नाही

-----------------------------------------------------------

मीना सानप

.

नको एकांत हा देवा जगावे मी कशाला रे 

असा संसार अर्ध्यावर, राहावे मी कशाला रे

-----------------------------------------------------------

मीना सोसे

.

चांगली ही माणसे नात्यात माझ्या

ठेव आहे एवढी खात्यात माझ्या

-----------------------------------------------------------

मीनाक्षी किलावत

.

जो थांबला तो नुसताच भार आहे 

संवेदना निकाली शब्दास धार आहे 

-----------------------------------------------------------

मीनल बाठे 'क्षितिजा'

.

मागण्यावाचून देणे द्यायचे तू 

अन् स्वरावाचून गाणे गायचे तू 

-----------------------------------------------------------

मोहिनी शिंदे

.

कुठे दुरावा सजाच आहे ?

अजूनही तो तसाच आहे

-----------------------------------------------------------

नयना जनार्दन म्हात्रे

.

फक्त नावाचा तुझ्या केला पुकारा

आठवांचा भोवती झाला पसारा

-----------------------------------------------------------

निर्मला सोनी

.

रोज वेडयापरी, जागते रात्र ही

एकटी एकटी, हासते रात्र ही

-----------------------------------------------------------

निर्मिती कोलते

.

तुझा पत्ता विसरण्याची

गरज आहे हरवण्याची

-----------------------------------------------------------

नीता आंबेगावकर

.

ही वाट कशी स्वप्नांची आशेने तुडवीत गेले

अन् रंग तुझ्या प्रीतीचे अंगावर उडवीत गेले.

-----------------------------------------------------------

नीना गायकवाड

.

सोडून कां असे गेला शल्य मज सतावे 

कर्जात आज श्वासांच्या सांग कां रहावे 

-----------------------------------------------------------

निशा चौसाळकर

.

आजच्या घडीला तर, आपले कुणी नाही

चांदणे हरवल्यावर, थांबले कुणी नाही

-----------------------------------------------------------

निशा डांगे

.

जीवनाचा मांडलेला डाव आहे

काळजावर साहलेला घाव आहे

-----------------------------------------------------------

परीता बांदेकर

.

कापरागत देह जळतो हे किती बघ खास आहे

साधनेला अंत नसतो हे किती बघ खास आहे

-----------------------------------------------------------

पूजा भडांगे लगदिवे

.

तुझ्यासोबत मला वाटे, जणू स्वर्गात आहे मी

किती सौभाग्य हे माझे, तुझ्या प्रेमात आहे मी

-----------------------------------------------------------

पूजा फाटे

.

कपाळ माझे कोरडवाहू

कुंकू त्यावर कशास लावू?

-----------------------------------------------------------

पूर्णिमा पवार

तोडता तू बंध सारे मी उरावे एकटीने

नाव ह्या नात्यास आता काय द्यावे एकटीने

-----------------------------------------------------------

प्रभा प्रभुदेसाई

.

वादळाच्या काय बाता ? मी झुळुक, चाहूल होते

वृक्ष तुमचे गगनस्पर्शी मी तृणाचे फूल होते 

-----------------------------------------------------------

प्रभा सोनवणे

.

मद्यालयात आता गर्दी चिकार झाली

पेल्यात वादळाची नांदी तयार झाली

-----------------------------------------------------------

प्रज्ञा कुलकर्णी

.

भावनेला ओढ मोठी तारकांचा भास आहे 

कुट्ट काळ्या जीवनाला चंद्रमाची आस आहे 

-----------------------------------------------------------

प्राजक्ता गोखले पटवर्धन

.

विरहातही कसा हा मधुमास होत आहे

माझ्या तुझ्या क्षणांचा आभास होत आहे

-----------------------------------------------------------

प्राजक्ता वेदपाठक

.

जो घातला मुळाशी भरणार घाव नाही

रे जीवना तुझा हा फळणार डाव नाही

-----------------------------------------------------------

प्रतिभा गुजराथी

.

तोच रस्ता तीच वळणे भेट पुन्हा घडत नाही

ओळखीच्या पायवाटा तेथवर का वळत नाही

-----------------------------------------------------------

प्रतिभा जगदळे

.

काय केले नवे ...टोचणी लागते

सोसण्या जखम ती ...डागणी लागते

-----------------------------------------------------------

प्रतिभा सराफ

.

काहीतरी मिळाले गमवून खूप काही

त्याचीच याद उरली विसरून खूप काही

-----------------------------------------------------------

प्रिती जामगडे

.

जाताना नेहमी स्वत:चं नाव करून गेला

तुझा शब्द काळजावर घाव करून गेला

-----------------------------------------------------------

राधा भावे

.

जिथे दु:ख,चिंता तिथे धावते मी;

तमाच्या किनारी दिवे लावते मी

-----------------------------------------------------------

राधिका प्रेम संस्कार

.

मुक्त मी आहे खरोखर मुक्ततेलाही विचारा

भोगला संसार आधी फेकला नंतर पसारा

-----------------------------------------------------------

रजनी अरणकल्ले

.

सांज होता सूर्य हासला जाता जाता

डाव त्याने साधलाच हा जाता जाता

-----------------------------------------------------------

रजनी निकाळजे

.

साधे जरा करारी पिळतात काळजाला

फाडून शब्द छाती शिवतात काळजाला..

-----------------------------------------------------------

रंजना ससणे

.

देव नाही मंदिरी या जाणते जग 

साकडे त्याला तरी कां चालते जग 

-----------------------------------------------------------

रश्मि मर्डी

.

किती मी दाखले देऊ असे निर्जीव वचनांचे

सवे राहूनही आपण कधी नसणार दोघांचे...

-----------------------------------------------------------

रश्मि पदवाड मदनकर

.

मनाला मनाचा कुठे थांग आहे

जिवाला दिलासा कसा सांग आहे

-----------------------------------------------------------

रसिका कुलकर्णी

.

दिल्या वेदनेशी दुजाभाव नाही

सुखाच्या क्षणांची मला हाव नाही..

-----------------------------------------------------------

रत्नमाला शिंदे

.

दगडातही तसे गुण असतात खास काही

नुसत्याच शेंदुराने देवत्त्व येत नाही

-----------------------------------------------------------

डॉ.रेखा देशमुख

.

मैफलीत गाताना गीत हे अमर होते 

येतसे समेवरती वाहवा जबर होते 

-----------------------------------------------------------

रेणुका पांचाळ

.

किती पावसाळा मनी साठलेला 

झुरे, वाट पाहे, झरा आटलेला 

-----------------------------------------------------------

रेवती पेंडसे

.

फक्त बघती ठेच मजला लागल्यावर 

कोरडा उपदेश करती समजल्यावर 

-----------------------------------------------------------

रोहिणी कदम

.

हवे ते मिळाले तुझ्यासोबतीने ,

पुरे स्वप्न झाले तुझ्यासोबतीने 

-----------------------------------------------------------

रोहिणी मिठे झगडे

.

तुझ्यात माझे अजून आहे बरेच काही

ह्रदयात लपले अजून आहे बरेच काही

-----------------------------------------------------------

रोहिणी पांडे

.

सृष्टीत पावसाचे थैमान फार झाले 

धो धो करून पडता सारे शिकार झाले 

-----------------------------------------------------------

समृद्धी संजय सुर्वे

.

वेदना का वाहतो बेकार मित्रा

मुखवट्यांचा हा नको आधार मित्रा

-----------------------------------------------------------

सांची कांबळे

.

कटू सत्यास निर्भिड मांडणा-याची,

इथे होतेच फरफट बोलणा-याची 

-----------------------------------------------------------

संगीता भालसिंग

.

शब्द माझे कूळ आहे

काव्य माझे खूळ आहे 

-----------------------------------------------------------

संगीता जोशी

.

पुढे पावले ही स्वत:हून टाकू

चला या जगाला सुधारून टाकू

-----------------------------------------------------------

संगीता माने

.

चाल मी जीवनी खेळली कैकदा

हारली कैकदा जिंकली कैकदा

-----------------------------------------------------------

संगीता म्हसकर

.

रात्र थोडी राहिलेली बोल तू काहीतरी

चालले क्षण हे अधांतर सांग जे तव अंतरी

-----------------------------------------------------------

संघमित्रा खंडारे

.

खोल काही आत तुटल्यासारखे

काळजाचे देठ खुडल्यासारखे

-----------------------------------------------------------

सानिका दशसहस्र

.

ग्राह्य धरण्यासारखे काहीच नव्हते.

आपल्यामध्ये तसे काहीच नव्हते 

-----------------------------------------------------------

सारिका माकोडे भड

.

किती धावलो बाळांसाठी चुकलो आपण

कुठे सांगना अपुल्यासाठी जगलो आपण

-----------------------------------------------------------

सीमा गादे

.

फसवता व्यथांना खरा जन्म गेला

तुझा शोध घेता नरा जन्म गेला 

-----------------------------------------------------------

शैलजा वायझाडे

.

पापण्यांच्या अंबराला आसवांचे चांदणे

हे किती कैफात आता आसवांचे चांदणे.

-----------------------------------------------------------

शरयू शहा

.

गांभीर्याने, जीवन जगले, चुकले माझे

मौज मजेला, नाही वरले, चुकले माझे

-----------------------------------------------------------

शशिकला बनकर

.

मानास मोजणारा आजार पाहिला मी

त्वेषात बोलणारा बेकार पाहिला मी

-----------------------------------------------------------

शिल्पा देशपांडे

.

घायाळ आसवांचा आक्रोश झेलते मी

डोळ्यात वेदनांचे आभाळ तोलते मी

-----------------------------------------------------------

शिल्पा पै परुळेकर

.

आधार शोधताना आधार होत गेले

जो भेटला तसा मी आकार होत गेले

-----------------------------------------------------------

शितल अक्केवार कर्णेवार

.

उलगडे येथे कळी एकेक माझी

जागली का रात्र ती प्रत्येक माझी

-----------------------------------------------------------

शितल डफळ धामोरे

.

भाजावी ही भाकर म्हणुनी अग्नीला गोंजारत गेले

धगधगणा-या ज्वालांवरती हलकी फुंकर मारत गेले

-----------------------------------------------------------

शितल गाजरे

.

सांजवेळी काजव्यांना लाजताना पाहते मी

रातओल्या काजळीला वाढताना पाहते मी 

-----------------------------------------------------------

शिवानी गोखले

.

मनीचा वणवा असा शांत झाला

तूझे नाव घेता आकांत झाला.

-----------------------------------------------------------

शोभा तेलंग

.

कळीला छेडतो चाफा

जवळ ये बोलतो चाफा

-----------------------------------------------------------

श्रद्धा खानविलकर

.

नको देऊस वाऱ्याला खबर म्हणते

निरागस राहुदे इथला बहर म्हणते

-----------------------------------------------------------

शुभदा कुलकर्णी ताकभाते

.

विषारी हुंदके आक्रोश अन् थोडे उसासे

खरेसे वाटले होते मला सारे जरासे 

-----------------------------------------------------------

शुभा प्रशांत लोंढे

.

मीच माझ्या वेदनांचे गीत होते.

साहिलेले दुःख शब्दातीत होते.

-----------------------------------------------------------

श्वेता रानडे चिटणीस

.

ओठांना जर ओठ जरासे कळले असते,

शब्दांना मी वेठीला का धरले असते?

-----------------------------------------------------------

स्मिता गांधी

.

नकोच सांगू असे बहाणे ,वेळोवेळी

स्वप्नांचे ते रिक्त रकाने वेळोवेळी 

-----------------------------------------------------------

स्मिता साळवी

.

आंधळ्याचे नेत्र व्हावे आस आहे

नेत्रदानाचा मनाला ध्यास आहे

-----------------------------------------------------------

स्मित शिवदास

.

पावलांना आज येथे हिरवळीचा भास आहे

वेदनांचा ताणलेला जीवघेणा त्रास आहे 

-----------------------------------------------------------

स्नेहल कुलकर्णी

.

जाग आल्यावर दिशांना पांगले इतरत्र होते

श्वास दोघांचे सुरंगी रात्रभर एकत्र होते

-----------------------------------------------------------

स्नेहा शेवाळकर

.

आसवांना पापणीतच रोखले आहे

दुःख मी मोठ्या खुबीने झाकले आहे

-----------------------------------------------------------

स्नेहल कदम

.

निर्दयी या काळजावर वार झाला 

सोसलेल्या वेदनांचा भार झाला 

-----------------------------------------------------------

सौ.सविता बनसोड

.

मनाचे गुज ओठांनी, कधीच बोलले नाही

नयनी साठवले ते तुला,कधीच कळले नाही

-----------------------------------------------------------

सुधा पालवे (भावसुधा)

.

सांगू तरी कसे मी धीक्कार लाख झाला

मौनातल्या गुन्ह्याचा चित्कार लाख झाला

-----------------------------------------------------------

सुगंधा पाटील

.

लाचार वासनेला का सांग माळले तू

मोहात या निशेच्या प्राचीस टाळले तू

-----------------------------------------------------------

सुहासिनी विवेकरंजन देशमुख

.

घेरावयास मजला; सगळे तयार झाले

मी नजर टाकली अन सारेच गार झाले

-----------------------------------------------------------

सुजाता दरेकर

.

कशाला करावा उगा मी खुलासा

कधी जर कुणाला पटे ना जरासा

-----------------------------------------------------------

सुजाता पगारे गायकवाड

.

कशा कशावर गझला करतो,माझा नवरा

मी,मुलगी,दुनियेस विसरतो,माझा नवरा

-----------------------------------------------------------

सुलभा वसंत कामत

.

या खुणा कालचे गीत आहे

मी नवा सूर शोधीत आहे

-----------------------------------------------------------

सुनंदा भावसार

.

वेड लाटेस का किनार्यारचे

भय न दर्या तुझ्या पहार्याुचे

-----------------------------------------------------------

सुनंदा पाटील गझलनंदा

.

मला सांगायचे होते तुला जे काल ओठांनी

कसा ओठांवरी लिहिला तराणा लाल ओठांनी

-----------------------------------------------------------

सुनंदा शेळके

.

लाख झेलले प्रहार मागे सरले नाही 

पराभूत मी होऊन सुद्धा हरले नाही 

-----------------------------------------------------------

सुनेत्रा नकाते

.

शब्द माझे सारथी अन शब्द माझे धन खरे हे

शब्द माझे सारथी अन शब्द माझे बल खरे हे

-----------------------------------------------------------

सुनिता रामचंद्र

.

दबावापुढे भूकही मूक होते

तश्या आतड्याचीच बंदूक होते

-----------------------------------------------------------

सुनीति लिमये

.

मार्ग आहे मोकळा ..पण घे जरासा वेगळा

कोठुनीही जा सखे ....कर जीवनाचा सोहळा

-----------------------------------------------------------

सुप्रिया मिलिंद जाधव

.

चढत आहेस तू जी पायरी ती पार केली मी

तुझ्या प्रेमात पडले,मान्य माझी हार केली मी

-----------------------------------------------------------

सुरुची नाईक

.

दैवास जाणले मी, दैत्यास काय सांगू?

सृजनात हारले मी, मरणास काय सांगू?

-----------------------------------------------------------

स्वरूपा सामंत

.

मानला तर मी तुझा आधार आहे

मानला तर मीच अंधःकार आहे

-----------------------------------------------------------

स्वाती महेश

.

हे हवे अन ते नको रे बास आता

सांगताही येत नाही त्रास आता

-----------------------------------------------------------

स्वाती शुक्ल

.

जरी काटाच होता तो तरी आलाच अंगावर

कुठे फिर्याद नोंदावी फुलांनी वार केल्यावर

----------------------------------------------------------

उज्वला सुधीर मोरे

.

काळजाला चिटकून येते तुझी आठवण

संध्याकाळी हटकून येते तुझी आठवण

-----------------------------------------------------------

उमा पाटील

.

कैफातल्या क्षणांचा अजुनी प्रभाव कायम

बेभान या मनाची स्वप्नात धाव कायम

-----------------------------------------------------------

उर्मिला बांदिवडेकर

.

खडकावरती अंकुरबिंकुर फुटला नाही

जीव तिचाही माझ्यावरती जडला नाही

-----------------------------------------------------------

उर्मिला सहस्रबुद्धे वाणी

.

का आजही सुगंधी हा श्वास होत आहे ?

गंधाळल्या सुखांचा आभास होत आहे

-----------------------------------------------------------

उर्मिला ठाकरे

ही झोपडी जरीही, माझी उन्हात आहे

आणेल चंद्र येथे, उर्मी मनात आहे...

-----------------------------------------------------------

उर्मिला ठाकरे

प्रेम हा व्यवहार उरला बदलली आख्यायिका

राहिला ना कृष्ण कोठे राहिली ना राधिका 

-----------------------------------------------------------

वैश मिर्झापुरे

.

जगाची काळजी आता मला नाही तुला नाही

मनाची लाजही आता मला नाही तुला नाही

-----------------------------------------------------------

वैशाली माळी

.

घडायच्या त्या घडून गेल्या काही गोष्टी 

मनामध्ये घर करून गेल्या काही गोष्टी

-----------------------------------------------------------

वंदना राऊत

.

कशाला कुणाच्या मनाला छळावे

मनाला तयाच्या मनी गुंतवावे 

-----------------------------------------------------------

वंदना पाटील वैराळकर

.

डोळ्यामधील जेव्हा पाणी सरून गेले

काटे मला नव्याने जखमी करून गेले 

-----------------------------------------------------------

वनिता मोडके पाटील

.

प्रेमास आपल्या रे ते नाव काय होते ?

उमजे मनास आता ते भाव काय होते

-----------------------------------------------------------

वनिता तेंडूलकर बिवलकर

.

अजुनी नव्या उद्याची अाशा जिवंत आहे

आनंद जिंकण्याची इच्छा ज्वलंत आहे

-----------------------------------------------------------

वर्षा चौगुले

.

दरवळणारी जाई मी

गंधांची अमराई मी

-----------------------------------------------------------

वर्षा कुलकर्णी

.

'कधी' 'कोणी' 'कसे' 'केव्हा' 'कशाला' 'का' 'कुणासाठी'

असे हे प्रश्न पडती ह्या मनाला का कुणासाठी ?

-----------------------------------------------------------

वासंती वैद्य

.

पंखातल्या बळाचा झाला प्रभाव नाही

आकाश पेलण्याचा ज्यांना सराव नाही

-----------------------------------------------------------

वीणा बेळगावकर

.

हलाहलातले विखार प्यायचे हळूह्ळू

सरावलो कसातरी जगायचे हळू हळू

-----------------------------------------------------------

विद्या देशमुख, अमरावती

.

संपर्क साधणारी लाईन व्यस्त आहे

देवा कसा इथे हर माणूस त्रस्त आहे

-----------------------------------------------------------

विजयालक्ष्मी वानखडे

.

भलताच लागला ह्या,चंद्रास घोर आता

स्वप्नात रोज येतो,प्यासा चकोर आता.

-----------------------------------------------------------

विजया गायकवाड

.

समजून घे मला तू , लग्नात भेटल्यावर

होणार प्रेम परके , हळदीत बाटल्यावर

-----------------------------------------------------------

विजया टाळकुटे

.

येशूमधे मिळाला बुद्धामधे मिळाला

रामा तुझाच अनुभव अल्लामधे मिळाला

-----------------------------------------------------------

विनया निलेश पिंपळे

.

पाहते इथे तुला, तिथे तुलाच पाहते

सावल्या सभोवती हताश होत साहते

-----------------------------------------------------------

विनिता/मृणाल घाटे

.

दुःख जगाचे काळजात सांभाळू सखये

एकांतातच मुकी आसवे ढाळू सखये

-----------------------------------------------------------

यशश्री रहाळकर

गाळताही येत नाही टाळताही येत नाही

जाच ऐसा जीवना की भाळताही येत नाही

-----------------------------------------------------------